華哥怒斥：兩「支」野狼
任達華昨日以歐米茄名人大使身份出席於海南島舉行的《2011歐米茄觀瀾湖高爾夫世界盃》名人高爾夫球日，他直斥陳浩民及馬德鐘以飲醉為由是藉口：「拍完戲應該打乒乓波，此『波』不同彼『波』呀！佢哋簡直係披住羊皮嘅兩『支』野狼！作為人父，你話如果個女畀人咁欺負會有咩感受！陳浩民太太又有咗！」同場的謝婷婷表示哥哥霆鋒學習打高球，還爆父親謝賢打高球常把高球收起扮遺失的趣事。對於陳嘉桓事件，她表示如遇同類事件會速閃：「會好冇儀態咁鬧佢！同埋會走，點會留咁耐？同陳嘉桓合作過，佢識詠春應該撥開佢哋。」
此外，袁彩雲在微博留言直斥陳浩民及馬德鐘：「令演藝界的確羞恥！」著名監製鄧特希則說：「『熱情』與非禮，涉及的行為不可能存在灰色地帶！」
模特兒Alice B.（左起）、任達華、謝婷婷及諸葛紫岐到海南島出席活動。