許穎遇狼吻兜巴星埋牆

陳嘉桓發生不愉快事件，不少女星以此為鑑，提高防狼意識。許穎（Phoebe）昨日出席澳門賭場《PokerStars撲克之星》開幕時自言，若不幸遇上會毫不留情給對方兜巴星：「我會一巴打去個男人度，因為女仔感到受威脅同侵犯，好難笑住面對！做嘢性感OK，但唔代表可以畀人摸同索吻！（佢當時冇即刻離開？）佢可能唔知點做，惟有以笑遮醜。」莊思敏出席另一活動時被問到馬德鐘表示會捐錢行善，她笑說：「關乜事呀！做善事平時都要做啦！」

至於鄧麗欣（Stephy）與緋聞男友方力申昨日出席電視頻道活動，宣傳兩人首齣內地電視劇。小方坦言與陳嘉桓及洪天明相識，已分別Send短訊問候。至於Stephy前晚在另一電影活動上表示，將於下月到橫店拍戲，由於習慣在內地拍攝完工後即返酒店休息，絕不出外應酬，加上身邊有助手陪同，故不怕會發生不愉快事。不過，Stephy反而會叮囑常在內地拍戲的小方，凡事要小心。

此外，欣宜昨日出席宣傳時自爆當年在外國讀書時，亦曾遭性騷擾，更覺得是慘痛經歷：「當時我冇同父母講，只係同一個好信任嘅人講，總之高矮肥瘦、美麗或者豬扒都有呢啲事發生，做女仔一定要提高警覺。」