男友愛的宣言：希望以後同佢一齊！
雖然蔡加讚（Karson）與汪圓圓拍拖僅十個月，但感情已一日千里，他說：「我同得一個人拍拖，梗係覺得佢好，我覺得佢個人好友善，對我好好、好錫我、好愛我、好遷就我，不過我都冇乜脾氣嘅，大家好夾囉！今年嘅聖誕係我哋拍拖後第一個聖誕，我仲未計劃，因為工作好忙，行唔開，但我真係好想同佢過一個浪漫聖誕！（圓圓鍾意你乜嘢？）我諗我對佢好，好錫佢囉！雖然同佢拍拖唔算好耐，不過已經有好多好開心嘅回憶，好似之前一齊去法國巴黎旅行，係好開心嘅，我哋兩個人試過半夜行街，氣氛好浪漫，又唔會有傳媒影我哋相，四圍食嘢，好開心。」
對於早前有報道指二人明年會拉埋天窗，Karson說：「今年我二十五歲，大家都咁後生，喺呢一刻真係未有計劃！而且依家係搏殺期，應該認真做嘢先！但我對拍拖係認真嘅，同一個人拍拖，都希望以後同佢一齊！」
公開戀情後，汪圓圓與蔡加讚不時情侶檔亮相，更被拍得甜蜜餵食！（資料圖片）
