蔡太認定新抱仔猛讚好
蔡加讚（Karson）母親蔡李惠莉對兒子的女友汪圓圓有讚無彈，她說：「圓圓性格好單純，同佢傾偈就會發覺佢係個好純好乖嘅女仔，講說話好直率，唔會周圍蒲，又唔煙唔酒，過健康嘅生活，我同蔡生都鍾意佢。」提到Karson與圓圓拍拖，蔡太說：「最緊要Karson鍾意，兩個人一齊又好開心，好甜蜜，幾好呀！Karson同圓圓思想好接近，大家都喺外國讀書返嚟，比較成熟定性，有啲男仔唔識諗會同好多女仔拍拖，但Karson就會睇定先拍拖，所以佢揀得嘅女仔，我都好放心。由細到大，佢都好識揀朋友，從來唔會煩到我，所以只要佢哋夾得嚟，又乖乖哋，我哋都好滿意。你問我想唔想圓圓做我新抱，我當然覺得好，佢哋好識諗，會自己計劃。」
汪圓圓又乖又純，甚得蔡母疼錫！