繼前晚於台慶氹小妹妹後，昨日出席商場聖誕活動的林峯繼續與小朋友打成一片，他說：「細妹生咗個BB，超乖，勁似我細個嗰陣！」他表示今個聖誕工作不停，承認豬籠入水：「希望再搵多啲！（買禮物獎勵自己？）想買個地方擺玩具，順便用嚟開會，最好過千呎啦，但唔知巿價。」對於四大與無綫破冰，他認為歌手當然希望在不同平台宣傳：「雖然同無綫有約，但對藝人有利嘅嘢，應該可以同公司傾吓！」
林峯童心未泯，難怪愈來愈識氹小朋友。
