杏兒黑面爆「好短」Bosco鬧口疏
無綫前晚台慶騷為增加趣味性,將多對情侶擺上枱,除陳豪和陳茵媺被玩外,胡杏兒臨場被要求「揀器官」,揀出男友黃宗澤(Bosco)的脷,她黑面當場,但火速重拾笑容投入玩遊戲,並大爆Bosco「短處」,果然是視后大熱人選!
無綫《萬千星輝賀台慶》前晚舉行,雖然邵逸夫(六叔)缺席,但六嬸方逸華仍睇足全場,然後返家照顧六叔,完騷時則由樂易玲陪同離開。每年台慶騷主打送出歡笑聲,今年多對星級情侶被擺上枱「做騷」,其中於趣劇「登登登對獎門人」中,更玩盡陳豪與陳茵媺(Aimee)、胡杏兒與黃宗澤兩對情侶!
節目邀請五位小生及五位花旦玩「認器官估真人」遊戲,曾志偉要求徐子珊從陳豪、鄭嘉穎、謝天華、陳展鵬及Bosco的脷中,選出其公仔箱拍檔Bosco,子珊即興拉「正印」杏兒出場要她選,杏兒顯得無奈,並一度面燶,但火速回復笑臉玩埋一份,並輕易選中,被問為何能一揀即中?杏兒語出驚人說︰「佢條脷好短!」全場嘩聲四起,被當眾指「短」的Bosco即扮嬲詐型︰「你知唔知男人最棹忌畀人話短……條脷!」杏兒聞言尷尬掩面!
事後Bosco受訪笑認脷短︰「啲女人好口疏,成日爆啲秘密!」問他曾否騷「長處」給杏兒看?他尷尬地說︰「放過我啦!(邊樣長?)命長同腳長。(第三隻腳?)得兩隻腳!哎呀,總之嗰度好正常啦!」而杏兒事後說︰「講事實啫!」
陳茵合眼Feel到陳豪
當陳豪被要求選出Aimee的耳朵,他最初竟誤選徐子珊,經一番深思熟慮改變主意,成功選中女友,全場即時起哄!Aimee大方表示沒有嬲陳豪險揀錯,而於抽獎環節失落百萬元大獎的她說︰「其實唔知玩緊乜。(陳豪身體邊度最叻?)樣同感覺,我合埋眼都Feel到佢!(當初拍拖都合埋眼揀?)曳呀你!」又笑指男友棚牙最易認。
另外,陳豪昨日宣傳新劇,對於女友失落大獎,他維護地說︰「係我叫佢揀4號嗰疊紙,因為係我幸運號碼,估唔到咁累咗佢,惟有聖誕買份大禮物補番數。」
![](/img/v2/title_pic.png)
![](/cnt/entertainment/20111121/photo/1121-00470-001b1.jpg)
強顏笑
杏兒被擺上枱,一度黑面兼呆企台上,但火速收拾心情。
![](/cnt/entertainment/20111121/photo/1121-00470-001b2.jpg)
「互數」
杏兒被玩後,即大爆Bosco「好短」,Bosco則作勞氣狀「指罵」她。(設計對白)
![](/cnt/entertainment/20111121/photo/1121-00470-001b3.jpg)
彈彈脷
徐子珊辨認時,志偉手多多彈「候選脷」,陳豪、天華先後中「彈」。
![](/cnt/entertainment/20111121/photo/1121-00470-001b4.jpg)
拉落水
徐子珊即興拉站在一旁的胡杏兒幫手揀Bosco的脷。
![](/cnt/entertainment/20111121/photo/1121-00470-001b5.jpg)
陳豪揀耳一度出錯,但最後選中陳茵媺,猶如其戀愛寫照!
![](/cnt/entertainment/20111121/photo/1121-00470-001b6.jpg)
陳豪
![](/cnt/entertainment/20111121/photo/1121-00470-001b7.jpg)
Bosco被爆脷短,吸引不少人上前睇真啲,錢嘉樂更伸脷取笑他。