李治廷口震震認錯

歌手李治廷（Aarif）涉嫌醉駕後首次在公開活動露面，前晚由老闆黎明率領下出席頒獎禮，他面對傳媒時非常緊張，並公開承認犯錯，又承諾洗心革面不重蹈覆轍。

黎明前晚率領旗下歌手包括衞蘭（Janice）、李治廷、JW、貢米及新加盟的陳小春出席內地的音樂頒獎禮。而黎明的新歌MV獲得多個大獎，成為男歌手大贏家，他獻唱時掀起全晚高潮，而Janice、JW和小春等都各有斬獲，皆大歡喜。

飲一滴酒都唔揸車

早前涉嫌醉駕的Aarif獲頒發「勁歌唱作人」獎，演出後在五名助手陪同下接受訪問，不時口震兼滿頭大汗，而且面露愁容，非常緊張，Aarif說：「我承認自己做咗違法嘅事，應承咗自己唔會再犯。（件事點發生？）唔想諗番轉頭，總之做錯咗，確保唔再犯！（黎明鬧你？）佢一路都好關心旗下藝人，叫我飲一滴酒都唔可以揸車。（怪責幾句？）佢話唔做都做咗，唔好再犯就可以，人要向前看，最緊要做好手頭工作！」

事件已經進入司法程序，Aarif需定時去警署報到，他坦言情緒受困擾而失眠，問到家人會否擔心？他慨嘆：「唉！有邊個為人父母會唔擔心，警惕大家飲咗酒真係唔好揸車！呢次係我人生之中做得最錯嘅事！」