祖兒唔嫌多：有獎梗係攞

容祖兒前晚在廣州出席音樂頒獎禮，繼續展示「獎后」風範，與古巨基齊奪三獎稱王封后，對於陳奕迅早前表示聽到其名字即嗌悶，基仔不禁說：「乜我哋感情出問題？」

中港台歌手前晚到廣州出席《勁歌王‧金曲金榜》頒獎禮，祖兒和基仔率領英皇歌手林峯、BOYZ、洪卓立、鍾舒漫和泳兒等橫掃27個獎項成為大贏家，當中基仔和祖兒更贏得「勁歌王」及「勁歌后」。香港各大音樂頒獎禮舉行在即，有指她將冧莊「叱咤女歌手金獎」？祖兒笑說：「吓！又有獎，我冇睇過報道，有當然係開心事。有獎梗係攞，你哋講就當係啦！（四大唱片同無綫破冰？）一直期待呢日，作為歌手，就算我係英皇歌手都咁話，多人玩係好啲，對我嚟講冇所謂，本住開心同玩就得喇！冇競爭心態。」

支持破冰

至於「獎王」基仔被問到陳奕迅（Eason）嗌悶，不想與他的名字再扯上關係？基仔笑說：「係咩，我哋感情出現問題？相信係講笑啫！」並自爆早前才在錄音室巧遇「吹神」Eason，兩人狂「吹水」講樂壇，覺得傳媒應報道其他歌手，多報道其他人才有多些機會。在旁的祖兒忍不住插嘴講Eason：「佢成日話要同我鬥，我唔想同佢鬥囉！」此外，基仔亦支持四大唱片與無綫破冰：「每個舞台有唔同組合同火花係好事，我都好期待，大家一齊玩先會令個市場蓬勃。」

換房防偷拍

另外，祖兒好友經常帶愛貓幫襯旺角一間寵物醫院，早前該院有易服男獸醫助理，在洗手間裝針孔攝錄機偷拍被捕，祖兒說：「世界有唔同癖好嘅人係冇所謂嘅，但佢放針孔攝錄機而被捕就要處罰，係有啲心理唔平衡！」

談及偷拍，她稱早年被嚇到有病態，每逢住酒店都會關燈沖涼及與助手換房以策安全。