陳嘉寶孖實吳尊呻「少戲」

陳嘉寶、潘杰寧及郭善珩與台星吳尊結片緣，雖然對手戲不多，但三人已開心到爆，更大讚吳尊沒有架子。

由陳嘉寶（Anjaylia）與師妹潘杰寧（Kelena）、郭善珩（Katie）、「陽光妹」何思諺、「嫩版楊采妮」吳千語等早前組成新一代「開心少女組」，在新片《開心魔法》中奉旨放笑彈，更與型男吳尊及古天樂等結片緣。

被美食迷倒

Anjaylia、Kelena及Katie十分高興，並大讚吳尊靚仔︰「佢好好人又冇架子，皮膚仲好好。」Kelena則說︰「有次我去拍旅遊特輯，同佢父親見過面，吳爸爸好友善，仲一齊食Tea！」但她們慨嘆未能與吳尊同場演出︰「通常我哋拍完先到吳尊拍，得最後一幕先同場，有啲可惜！如果多啲對手戲就好！（被吳尊靚樣迷倒？）佢最吸引嘅係佢Fans嘅嘢食，吳尊會同我哋分享。」

此外，她們每日透過電話保持聯絡，問到有否相約探望因懷孕停工的何思諺？Anjaylia笑說︰「做咩要探佢，梗係叫佢出嚟搵我哋玩啦！」