伍允龍感激霆鋒搭路拍戲

簽約不足一年、即獲老闆王晶開戲力捧做男主角的武打演員伍允龍（Philip），對於獲晶哥度身訂造劇本笑言很開心。與晶哥合作過數次的他，指對方是一個能讓演員自由發揮的導演，亦令性格怕醜的Philip學懂如何與女對手打破隔膜，他說：「我試過呆坐喺片場度唔識同女對手溝通，搞到拍出嚟嘅效果唔好，晶哥就教我講笑話，就係咁好快同個女仔熟咗。」Philip又指與晶哥結緣，全靠好兄弟謝霆鋒「搭路」：「嗰次我去探《十月圍城》班，就係咁識咗晶哥同開始傾合作計劃。」感情事向來低調的Philip，多年來只有鍾嘉欣一位緋聞女友，對於二人的關係Philip不置可否：「我明白大家好奇，但都想保留私隱。（穩定先公開？）順其自然啦！」

七歲開始習武的伍允龍，凌空踢腳對他來說只是小兒科。