台慶戰衣騷長腿龔嘉欣恨中大利是
有份角逐無綫台慶頒獎禮「飛躍女藝員」獎的龔嘉欣（Katy）坦言心情非常緊張，日前她往選購戰衣時，特別挑選搶眼短裙，她表示除了恨攞獎外，更希望獲得台慶大利是，並事先聲明屆時會「萬歲」請食飯！
無綫小花龔嘉欣（Katy）為了靚靚出席台慶，日前特地四出搜羅「完美戰衣」，左揀右揀後試了兩條顏色鮮艷的短裙，盡顯青春活力，她說：「會揀啲感覺後生啲嘅，襯番我年齡！如果着黑色或者深色就會顯得我太瘦同成熟，可能過多幾年先適合！」她透露屆時會佩戴高達七位數的鑽飾！
好少戴首飾
另外，她非常渴望獲得台慶大利是，向來中獎運奇差的她說：「我都唔貪心要中頭獎，中到大利是已經好開心，到時可以請屋企人食飯！」她又透露之前最厲害的是中了一條價值七萬五千元的鑽石鏈，後來轉送家人，因為自己平時甚少戴首飾。
龔嘉欣近日四出準備台慶戰衣，務求令人眼前一亮！
龔嘉欣細心挑選飾物及高跟鞋。
