創作歌手吳彤早前舉行迷你音樂會，吸引近200名粉絲及好友撐場，最令他感動的是台灣的歌手朋友沈志煒及馬來西亞的曾國琿自費來港擔任其嘉賓，他說：「佢哋知我唔係富有，唔知點報答佢哋，帶咗佢哋去旺角掃街同飲凍鴛鴦，完咗騷仲請佢哋食大閘蟹。」一向走鄰家男孩路線的吳彤，今次竟然化身妖男，梳了個火雲邪神頭，塗上黑色眼影加銀色指甲油，令全場嘩然，他笑說：「都乖仔咗咁多年，有啲悶，試吓新嘢畀啲新鮮感大家。」
吳彤音樂會獲文恩澄及鍾一憲等好友撐場。
