廖碧兒閃婚唔會閃咗去

廖碧兒（Bernice）經歷了感情與事業風高浪急的一年，離開無綫、轉投新公司的她狂接內地劇搵人仔，事業得意時對感情亦有無限憧憬。

Bernice性格雖然鬼妹仔，但再爽朗率直也不能不向感情事低頭，她說：「本來我係計劃24歲結婚，依家過咗八年啦！雖然我都唔細，返鄉下個個鄉里都問我幾時嫁，不過我冇壓力。我好鍾意小朋友，有小朋友一定會離開呢個圈。（會唔會考慮相睇認識條件合適嘅男士？）唔知呢！我家姐都係自己識姐夫，我唔排除會閃婚，但一定會通知父母，唔會閃咗去。」

廖碧兒表示轉投新公司後可做更多自己喜歡的事，又可賺人仔。