邰正宵揼本出福音碟

台灣歌手邰正宵（Samuel）近日推出全新廣東專輯，他笑言是意料之外的事：「本來唔計劃再唱廣東歌，不過早前同巫啟賢開完演唱會，發現香港好多歌迷都支持緊我，我就決定放低原本錄緊音嘅國語碟，做咗呢隻先！」新碟封面驟眼睇，他跟韓國偶像組合Super Junior的成員非常相似，他感激造型師的幫忙。

Samuel坦言跟巫啟賢同樣是基督徒，二人一拍即合，眼見香港歌手向福音專輯發展，他希望成為台灣地區的先鋒：「陶喆、張惠妹等人都係基督徒，我想集合一班基督徒歌手製作福音大碟，希望2013年，幫各位一人出一首歌，我出錢做都願意！」

Samuel願意出錢出力，製作福音大碟。