Winkie裝大肚望突圍

組合HotCha成員黎美言（Winkie）演藝生涯揭開新一頁，拍攝網劇扮大肚婆，希望藉此開拓內地市場，更望拍着「福將」張智霖。

自HotCha成員Regen暫停演藝事業離隊升學後，其餘兩位成員Crystal及Winkie各有新發展，Winkie在公司安排下，有機會當內地網劇女主角，雖然只是拍攝短短3日，但她覺得這是一個難得的機會：「除咗練到演技，希望可以有更多人認識我，幫助我開拓內地市場！」

新劇中，Winkie作了多個新嘗試，除了扮「喪女」外，還要裝假肚扮孕婦，令她感到相當有趣：「除咗角色多變，我仲做埋啲無聊嘢，好似去超市揸爛啲薯片後速閃，教壞女同學同教宅男識女仔，我就要去追男仔！」

做足功課獲讚

談及扮大肚婆，Winkie指雖然戲份不算多，但事前做足功課：「我要留意孕婦行路姿勢、神髓同埋小動作，得到劇組同導演讚賞，所以咁辛苦做資料搜集，都係值得嘅！」至於最想合作的男演員，她不假思索表示最恨與張智霖（Chilam）拍檔：「佢出名演技好，又係收視保證，拍住佢一定有着數！」