莫少聰新婚3個月 明年初添丁

曾受涉毒事件困擾的男星莫少聰，今年8月低調結婚，才不過三個月，日前他與年輕太太外出醫肚時，太太腹大便便，看似懷有近八個月身孕，預計明年初莫少聰將再做老竇。

轉戰內地發展的莫少聰，今年4月因涉毒在北京被捕，全城關注。獲釋後，其生活亦重回正軌，下月便踏入51歲的他，今年8月還被踢爆與23歲內地女子孫雲玲在港登記結婚，雖然當時未有回應，但上月他出席新作《光輝歲月》開鏡時，終承認已婚。

阿聰婚後鮮有談及太太，但日前有內地傳媒爆料，指阿聰駕車接載一名體態豐滿的女子到拉麵館醫肚，期間二人不時交談，估計正是其太太孫雲玲。

太太懷孕近八個月

新婚才三個月的阿聰，太太已腹大便便，難怪被指奉子成婚，記者昨日致電他，他透過經理人說：「我係結咗婚，老婆亦係大咗肚，開心事嚟嘅！」據知，阿聰現正身處銀川拍攝《光》片，月底則轉往上海拍攝電視劇，屆時將要銀川、上海兩邊走，十分忙碌，最快要到農曆新年前才有機會休息。

莫妻孫雲玲予人感覺賢慧，由於她往拉麵館時已腹大便便，估計已懷孕七、八個月，有消息指早前阿聰返北京時，孫雲玲亦親往接機。