敏之透視晒腿女配角志在必得

陳敏之憑劇集《怒火街頭》在今年台慶頒獎禮中獲提名「最佳女配角」及「我最喜愛的電視女角色」。據知，「女配角」的無綫官方投票中，她暫時得票最高。而她昨日試着頒獎禮戰衣，包括紅色Tube Dress及黑色喱士透視裙，大騷44吋長腿。

問到是否成為大熱，故以最性感姿態亮相？她說：「年年都想靚，都想攞到獎，今年對『女配角』獎有期望，當然想最靚上陣，不過我『索腿天后』梗係露腳同露背，露胸就留番畀其他有Quali嘅同事。」對於汪明荃讚她夠搏殺，她指獲讚賞當然開心，又希望順利奪獎：「呢個角色的確係我多年嚟嘅代表作。（諗定台詞？）攞唔攞到獎都諗定，唔想到時腦海一片空白。」

陳敏之連試兩套戰衣，要以最靚一面上陣。