C君婚前脫腳

農夫成員C君與拍拖6年的女友Gloria竟然結婚變甩拖，據知兩人因聚少離多，關係變淡，月前陷入「冷戰」的兩人，決定和平分手，下周二28歲生日的C君只能「孤單慶生」。

農夫成員C君（鄭詩君）年初才宣布明年迎娶拍拖多年的女友Gloria，沒料到兩人竟分手收場，日前C君在Facebook留言暗示與女友緣盡：「這次這段緣分很難走下去，果然…，傷口太深，愈合需時，朋友們交代了，不要再問了，我不知怎樣面對…。」據知C君和Gloria經歷多次離合，年初女友答應婚事還以為能開花結果，可惜女友性格「黐身」，C君為工作經常冷落女友而頻頻鬧交。農夫另一成員陸永早前與女友結婚，但C君卻婚前脫腳，令人惋惜。

好難再見

記者昨日致電C君求證分手一事？他承認已分手一個月，雙方和平分開。問到是否出現第三者？他說：「冇喇！只係大家思想同價值觀唔同，成長步伐唔一致，引伸咗好多問題。」問到心情如何？C君指幸好工作多，令他沒時間胡思亂想。問到能否再見亦是朋友？他無奈地說：「依家好難再見，正常朋友都冇時間見，唔會刻意約出嚟喇！」並指早有相士批他今年落實的大事難成，當時他堅信「人定勝天」，可惜最終慘敗收場。