范振鋒設局求婚李思欣「驚」喜到喊
李思欣與范振鋒（阿范）將於明年1月15日舉行婚宴，雖然婚禮已籌備得七七八八，但他還未正式向思欣求婚！曾揚言送驚喜的阿范，日前與一班好友歐陽震華（Bobby）及洪天明等夾計，於飯局上演一場求婚好戲。
席上，Bobby特別叫思欣猜枚，但因她不懂而改為猜包剪揼，當思欣猜輸被罰飲特大杯酒時，阿范即叫她不要，Bobby隨即扮嬲行開兼指摘兩人冇品，還作狀拉太太走，跟着阿范扮嬲地說：「唔使，我同思欣走！」正當思欣不知如何是好，同樣不知情的元彪出來勸交，阿范為免「玩大咗」，便拿出一卡鑽戒及女友最愛的花束，跪在地上求婚，場面感動！
事後，思欣表示感動得落淚：「嗰陣我都呆咗一陣！（咁多人唔夠浪漫？）真係好『驚』喜！但好滿意！（阿范嫁得過？）不嬲都話嫁得過，但我都娶得過o架！」此外，她昨日在微博感激一班好友協助范振鋒，令她有個驚喜的求婚場面。
范振鋒當眾跪地求婚，令李思欣感動落淚！
李思欣（右）得知真相後仍驚魂未定，要周家蔚在旁安慰。
李思欣讚范振鋒夠細心，絕對嫁得過！（資料圖片）