吳雨霏唔知Kay算乜輩
歌手吳雨霏（Kary）昨日出席新碟發布會，公司高層黃劍濤與師弟、林子祥兒子Alex撐場，宣布新碟已有近金唱片數量的定單，問到是不是要取代同門的謝安琪（Kay）做一姐？Kary否認：「各有各做啫！（有傳環球唔同Kay續約？）我唔知喎！我哋見面唔會尷尬，一向有偈傾！（送碟畀Kay呢位前輩？）可以！（不過你仲早出道？）我唔識點分前後輩！」
問到緋聞男友周柏豪可有聽過新歌？Kary即傻笑，只說現時工作太忙。問到Alex是否合適？她說：「零發展，不過幾啱傾！（佢都唔鍾意出聲？）熟啲就唔會！」
