保怡陳豪怒唱無綫
藝員林保怡、陳豪、黃德斌及湯盈盈等昨日宣傳無綫劇集《天與地》，保怡雖與無綫冇約，但仍撐場兼自彈自唱大玩樂與怒，而佘詩曼（阿佘）卻因在內地拍劇冇到，最後要出動監製戚其義相邀，據知下次宣傳才畀面出席。已完成兩年多的《天》劇，終於在台慶後首播，令人聯想無綫因保怡及阿佘不續約而刻意不早播，令他們不能憑該劇角逐獎項！而司儀問到戚其義有甚麼想講？他只說：「要講嘅兩年前講晒！」
保怡說：「每套劇我都預咗會宣傳，唔關同無綫冇約事。（無綫刻意安排你哋冇得角逐獎項？）點會呀！（唔抵？）你都覺得呀？如果下年台慶前嗰個月將啲片段再重溫一次先投票會好啲囉！唔好寫我同無綫不和，我同方逸華好Friend！」不過黃德斌則有微言：「講開有啲怒，上年台慶應該要出，依家等到台慶後先出！」陳豪則說：「依家終於出，明白乜嘢係樂與怒！」
黃德斌（左起）、林保怡及陳豪大玩樂與怒，擺明有弦外之音！
湯盈盈心情甚靚，似乎沾染不到男角的憤怒。
《天與地》拖足兩年出街，總好過不見天日！