廖碧兒回鄉切磋球技
電視藝員廖碧兒（Bernice）日前與父母返順德祭祖，並為now觀星台節目《102觀星總部》介紹家鄉特色：「我第二次返鄉下，上次嚟寫咗張毛筆字，今次見祠堂裱起咗，又掛起兩塊有我名嘅牌匾，感覺好受重視！『廿三傳孫女碧兒』會拍更多好作品，以報答佢哋！」她不忘跟家鄉新一代打波切磋，十足大細路：「見到啲小朋友畫國畫、寫毛筆字、整版畫，真係好叻，打乒乓波又識Spin（旋轉）個波，好犀利呀！我好似佢哋咁大個嗰陣，仲玩緊椰菜娃娃咋！」
Bernice更挑戰廚藝，跟師傅學煮家鄉菜，煎魚柳、煮花膠及整海參，看來有板有眼！另一方面，問到是否渴望乖女Bernice下次帶男友回鄉？廖爸爸Terry說：「感情事交畀佢作主，做父母唔可以咁封建！（介紹男仔佢識？）佢識分析同處理，作為爸爸唔憂心！」
攝：林蔚恩順德傳真
廖碧兒跟鄉親打乒乓波，齊齊舒展筋骨，Yo！
Bernice跟師傅學廚藝，看來OK掂喎！
廖碧兒最近跟父母回鄉，認真乖女！