祖兒變身「孖8」幫人鬆骨

樂壇天后容祖兒最近接拍腿部按摩器廣告，自爆向來愛替人按摩，有按摩界「孖8」之稱！正忙於拍攝新片的她坦言，曾投入到不能抽離，猶如產後抑鬱！

健康品牌OSIM最近出動7位數字酬金，邀得祖兒拍攝全球首創的「推拿腳肌」腿部按摩器廣告，拍攝期間，祖兒要邊用邊擠出又痛又爽的表情，她笑說：「我平時好怕痛，尤其腳部，出去按摩叫出嚟會好尷尬，喺屋企按就大聲叫都唔怕！」

祖兒曾試各地按摩手勢，最後還是首推祖國代表，她更自爆從小已喜愛替人按摩：「好多人好累會發脾氣，不過當我好累嘅時候，就會幫人按摩，將自己嘅累同埋痛苦發洩喺人哋身上，哈哈！當對方讚我手勢好，真係好有滿足感o架！所以我按摩方面有個藝名，叫做『孖8』，哈哈！」

「啪丸」強身健體

最近為拍攝英皇電影《DIVA》而中港兩地走的祖兒坦言，因太投入戲份難以抽離，令她相當難忘：「當我要拍發脾氣、嚎哭嘅場面，情緒起伏好大，對演戲咁少經驗嘅我嚟講，真係要學識收放自如！有次拍完之後，有種空虛感衝埋嚟，嗰幾日情緒好怪，其他人安慰話係咁，同產後抑鬱差唔多！呢個劇本係千年難得一見兼度身訂造，希望大家睇完會覺得我做戲係有進步同埋畀心機去揣摩！」她表示因常要早起及奔波兩地，笑言常要「啪丸」服食維他命C等來補充體力。