關注(55)人基仔被Hi感奇怪

今次冒名事件發生在微博的私信情況，必須是與伊健互相關注的人才可以「私信」通訊。伊健的微博共關注55位好友，除了女友蒙嘉慧，還有經理人林珊珊、好兄弟陳小春及謝天華，其他藝人還有古巨基、蔡卓妍、舒淇、鍾麗緹、楊千嬅、余文樂、張衞健及張智霖等，幕後如導演劉偉強及監製錢國偉亦被關注。

古巨基昨日收到「偽伊健」的微博私信︰「有收到呢個假微博同我Say Hi，但覺得奇怪，因為唔似佢說話方式，於是留言問係咪佢本人，之後就冇再覆我喇！」他表示與伊健從未私信聯絡︰「我哋唔會喺網上傾私人事，平時都特別小心，以前試過微博畀人撞中密碼登入，好在發現得快，及時改到資料。」

而蔡卓妍昨日收到假「私信」即覺得有異，她說：「突然收到佢傳兩個表情圖案，覺得好奇怪，直接打電話但冇人聽，知道有問題就通知佢經理人。好彩我唔會喺網講私人嘢，有事梗係面對面或直接電話最穩陣啦！」而謝天華的老婆Tina得悉事件後，在微博笑陳小春：「善良的陳，都估到有你份！大家小心啊！」