成功智破鄭伊健微博「被盜」的杜汶澤，昨日接受電話訪問時坦言，因盜用伊健微博的人問他索取某位女星的電話號碼，令他發現有破綻，杜汶澤說：「因為我認識嘅伊健，唔會問我攞女藝人電話，所以覺得好有可疑，之後打畀林珊珊，佢話伊健喺大漠開緊工，咁就冇理由會發微博私信畀我啦！跟住，我再叫公司同事打去微博公司問，佢哋最後回覆話伊健戶口畀人盜用咗！」
杜汶澤因不想同業受騙，故昨日在微博揭發事件，並呼籲若有緊要事，不應透過微博私信通話：「始終講電話比較安全！」
突然被索取藝人電話號碼，杜汶澤醒目發現對方並非真正的鄭伊健！
