關淑怡中門大開送秋波

關淑怡（Shirley）前晚夥黃耀明（明哥）在澳門舉行演唱會，雖人到中年兼是媽咪級，但Shirley穿上西裝褸真空上陣，病到喊暈的她頻頻走光兼走音，明哥要硬食波餅和病菌。

四十五歲的關淑怡和黃耀明拍住開騷，屬「有料之人」的Shirley化上前衞的白眉妝，配襯同色西裝褸「中門大開」，真空示人，令全場逾萬歌迷嘩然，明哥待她如女王般親吻其手及嘴，將病菌當補品！

Shirley獨唱時有四位穿激凸平腳泳褲的半裸猛男伴舞，身體不適的她與明哥合唱《漩渦》時一度甩嘴及走音，說話又有點咬字不清，其後更因膠紙鬆脫而露出乳貼，坐下時還拋出「波邊」，性感爆燈。她獻唱《但願人長久》給去世多年的爺爺時，突然感觸落淚，又唱《天梯》送給囝囝，直至演唱會尾聲，她以腳痛為由要返後台，但明哥死拉住她「安歌」。

Shirley在慶功宴上表示已做足安全措施防走光，雖然感冒但一定會死撐到底。她又說：「最近諗起要珍惜眼前嘅朋友、愛人、家人同工作夥伴。唱《天梯》唔係因為囝囝鍾意呢首歌，而係媽咪想同囝囝講嘅說話。」

冇同許冠英拍拖

再問她所指的朋友是否剛猝逝的許冠英時，她說：「朋友有好多，我哋永遠唔知明天會發生乜事！（你同許冠英傳過緋聞？）你都識話傳啦！梗係唔係啦，我入行前已經識佢，佢係好人，同埋好鍾意唱歌。」