Cammi連環緋聞 黃榕喊驚
與陳冠希爆出激咀照的16歲學生(o靚)模謝芷蕙（Cammi），再與王浩信傳緋聞。有傳Cammi情緒不穩 ，上星期只返一日學，昨日記者致電訪問，她說：「我一陣會落街食嘢！其他問題我就唔回應喇！」然後匆匆掛線。其經理人Admond指她今天會返學：「校方一直都好體諒佢，冇停佢學，只係想佢心情平復後先返學。」Admond表示不會與她解約，但希望她專注學業。
至於黃榕前晚出席首映時驚嘆Cammi的緋聞：「睇唔出佢外表咁單純，但原來咁犀利，我真係怕咗佢。」又澄清日前同行的金毛男只是多年朋友。
