陳茵媺 透Bra唔怕男友鬧
陳茵媺、黎耀祥、徐子珊及吳卓羲等昨日宣傳《法證先鋒Ⅲ》結局篇。玩遊戲期間，身穿薄黑衣的茵媺透Bra，事後她驚聞走光時說：「幫我搵軟件執走佢啦！今次係好好經驗，下次會小心啲。（擔心畀男友陳豪薄責？）咁我平日都好Casual，唔會太Sexy，性感只限於角色啫！（幫陳豪準備台慶戰衣？）唔會，佢不嬲好型，揀衫有自己Style。（傳鄭嘉穎簽長約換獎？）今年大家表現都好好，我對陳豪就有私人理由，梗係偏心佢啦！」
剛從馬來西亞登台返港的祥仔，接着開早班拍戲，故一臉倦容。對於今年視帝競爭激烈，他處之泰然，亦不相信嘉穎簽長約換獎。子珊則透露月底將飛往馬來西亞出席電視頒獎禮，當是台慶頒獎禮前哨戰。
陳茵媺（右起）、胡定欣和蕭正楠玩遊戲時，相當投入。
祥仔（左）和吳卓羲落力谷劇。