阿Sa建議William打針防性病
蔡卓妍（阿Sa）與男友陳偉霆（William）生日只差一天，昨日二人分別出席活動時被追問會否二人世界慶祝，阿Sa說：「生日有工作要離開香港。（叫埋William去？）咁仲有其他朋友呢？生日要多人先開心。」第六年擔任「HPV疫苗計劃」代言人的她表示，會建議男友注射疫苗抗癌及防止性病：「佢好衞生同健康。（你哋着情侶睡衣傳同居？）唔係，情侶裝唔一定同居，只係我上網買同一Set睡衣平啲。（會唔會幫佢買底褲？）太私人唔講！」而昨日她與歌迷燒烤慶祝生日。
至於William與洪卓立昨日舉行新碟抱抱會，吸引大批歌迷到場支持，二人有意明年推出國語碟，拓展內地市場，而William生日便會到廣州工作，但亦希望與阿Sa食飯慶祝。
阿Sa大讚男友健康又乾淨。
William（左）與洪卓立（右）一同搞抱抱會，幸運女歌迷攬到實。
William與女歌迷玩遊戲，拉近距離。