Bambi愛犬遇襲浴血街頭

有「巨E法拉」之稱的模梁雅淳（Bambi）家中飼養了6歲的迷你牧羊狗，膽小的Toffee平日甚少出街，經常與貓為伍。身形較大的牠仍喜歡與身形細小的狗仔玩，Bambi說：「有一年中秋節帶Toffee出街，有好多人帶狗，當中有一隻狗冇戴狗繩，突然衝過嚟襲擊Toffee，後來見到佢冇厘神氣，啲途人同我講原來佢畀嗰隻狗咬到流血！」

她表示聽聞該狗一直有襲擊的傾向，想不到Toffee慘遭毒手，自此牠很怕大狗。

雖然一般貓與狗較難相處，但Bambi同時養一貓一狗卻異常融洽，她指家貓Bubble今年11歲，Toffee剛搬入家中時因身形未算太大，Bubble不太抗拒對方，但狗始終比較活潑，Bambi說：「Bubble有時嫌Toffee煩，都會用手拍佢個頭。但Bubble有時會趁食飯嘅時候，特登行去撩佢，但Toffee為咗食物會堅持唔郁，繼續坐。」

Bambi飼養的貓狗相處融洽，未試過打交。