嘉穎甩剩孖煙囱 狂舞飛毛腿

鄭嘉穎前晚在深水埗拍攝新劇，曾在劇集露股罅而令人矚目的嘉穎，再下一城露孖煙囱，但排戲時竟遭扯甩褲，令「美腿」遭殃，認真搞笑！

鄭嘉穎前晚拍攝劇集《怒火街頭2》，吸引大批街坊圍觀。又爬水渠又擒窗的嘉穎，根據劇情只需露孖煙囱，然而排戲時竟遭工

作人員扯下整條牛仔褲，「美腿」與孖煙囱同告失守！半天吊的嘉穎大為愕然，不禁尷尬大叫：「又話吊甩（吊威吔扯甩）嘅？點解依家扯甩㗎？」由於上集露股大獲好評，嘉穎透露這次將打大赤肋谷收視，記者打趣叫還未選好頒獎禮戰衣的嘉穎「乜都唔好着」，豈料「籮霸」耍手擰頭說：「咁真係爆喇！我唔敢，呢樣真係冇信心。」

起碼要攞一個獎

談到膺視帝的呼聲甚高，嘉穎誇下海口希望同時擸走視帝及最

喜愛角色獎，然後又「補飛」說：「一個都好啦！總之唔好一個都冇。」不過他否認「坐定粒六」，並且沒有正面回應是否視「Laughing哥」謝天華為勁敵，只表示看好黎耀祥。

另外，同劇的林子善特地前往探班，並笑言角逐飛躍男藝員只是陪跑。