文恩澄取笑吳彤轉行做書僮

文恩澄和吳彤是香港難得的創作歌手，二人接受ontv《娛樂onShow》訪問時，為主持周吉佩（吉吉）作了一首《吉吉好靚仔》，並且現場Jam歌，冧得吉吉暈得一陣陣。

香港創作歌手難求，難得文恩澄（Rannes）與吳彤獲邀接受ontv《娛樂onShow》訪問，二人即席為主持周吉佩作了一首《吉吉好靚仔》，並拿起結他齊齊Jam歌，氹得吉吉十分開心。

與此同時，Rannes又大談做狗Cafe老闆感受，被問到開舖起源，Rannes向主持人透露：「呢度係頂手番嚟，都做咗年半。原本我係狗Cafe嘅熟客，因為上手老闆覺得兩公婆一腳踢好困身，想搵人接手，而我又有興趣做生意，加上自己教琴儲咗一啲錢，於是決定接手。」問到生意是否已上軌道，她笑說：「OK，依家唔使我理。」

互笠高帽

談到若然不做歌手會做甚麼職業？吳彤說：「Rannes最適合做攝影師，因為佢影相好專業，仲識得執相。」Rannes即插嘴：「吳彤最適合做書僮，因為佢讀書好勁，已有碩士學位，而且佢做歌手、出歌、讀書樣樣掂，影響身邊人都發奮努力！」此話一出，周吉佩立即勸喻吳彤放棄做歌手，想知Rannes與吳彤更多趣事？立刻Click入ontv睇片啦！