蔡穎恩 盧頌之 夢想開舖做老闆

舊八模成員蔡穎恩及盧頌之，原來一直想開舖做老闆娘，但首要先賺到第一桶金才可達成夢想，由於距離她們的目標仍有點遠，現在惟有努力工作搵錢，希望有朝一日可圓創業夢！

蔡穎恩（Evelyn）及盧頌之（DaDa Lo）日前出席《香港眼鏡展》，看見林林總總的眼鏡款式，即激發起她們「設計之火」，讀時裝設計的Evelyn，原來一直想開設屬於自己的品牌：「好似Angelababy咁，佢都有同某品牌Crossover咗一系列嘅衫，最近仲開埋Cafe，做得好成功！如果可以，我當然想設計自己嘅Style，將我鍾意嘅嘢同人分享！」

DaDa則表示自細想過設計不同種類的物品，但其弱點是沒有恒心，現在就算創業也要一筆資金：「我要儲到第一桶金，起碼廿萬先可以創業，依家距離呢個目標有啲遠，要畀心機賺錢先！」

搞造型設計增值

DaDa有朋友開時裝店叫她入股，但最後推卻了，她希望賺夠錢再作打算！除當模特兒外，DaDa亦開始幫公司的模特兒搞造型設計：「其實都係靠感覺，我鍾意行街搵衫，我唔介意做模特兒以外嘅工作，因為有唔同體會，為自己增值！」