Rannes簽新公司打強心針

歌手文恩澄（Rannes）再戰樂壇，日前接受訪問時，她謂雖然新簽的唱片公司規模較舊公司細，不過大家意向一致，兼給她百分百的自由度，令她可以做個開心的歌手！她說：「新公司好支持我參與創作嘅工作，新碟好多歌都係由我自己作歌，由於資源唔係咁多，好多嘢我都要自己做晒，係比以前辛苦，但做得好有滿足感。」

文恩澄多謝舊唱片公司的提拔，但因公司想她走較大眾化的玉女形象，令她感到不習慣，她說：「我唔係咁玉女，佢哋仲好似家長咁叫我做嘢，我覺得係錫我嘅表現，但我想有自己個人風格。」談及其新歌《怪獸愛侶》，上載YouTube短短一星期，有逾13萬點擊率，她受寵若驚地說：「好開心，好似打咗支強心針咁，我付出咁多努力，覺得算有回報！」

簽約新公司後，文恩澄可以做回一位開心的歌手！