東于哲「第一次」玩SM波霸

馬來西亞男子組合東于哲的成員郭曉東（小東）及陳澤耀（阿哲），兩位90後年輕人以陽光笑容殺入樂壇，主力留台灣發展，小東說：「馬來西亞人保守啲，我哋去台灣第一次媒體見面會喺Motel搞個成年禮，好多SM用品好有情趣，又安排性感Model送波霸蛋糕畀我哋，真係好怕醜！」

小東及阿哲入行前曾在馬國接受演藝訓練班，隨後接拍多部偶像劇，阿哲笑言起初不習慣被導演狂鬧，一度想逃返家鄉，後來不想輕易放棄夢想，才堅持到現在。東于哲今次以青春活力挑戰歌舞絲毫冇難度，小東說：「我一直都好鍾意韓國的東方神起，所以好鍾意跳舞，入行前都係跳舞老師，大家都一齊訓練，一齊進步，希望大家都會認識我哋！」

東于哲以唱跳組合加入樂壇，做張智成師弟。