Soler認未夠班做導演

Soler早前與澳門電影《愛情在城》導演歐陽永鋒及黎若嵐現身香港谷戲，澳門出生的Soler為電影奉獻第一次，細孖Dino說：「我同Julio今次喺片中貫串晒六個古仔，仲會為每個古仔講啲感想，全部係我哋自己寫嘅，算係一次幾特別嘅經驗。」

大孖Julio被問會否進一步想過導演癮，他說：「我哋兩兄弟平時都有度古仔，但做導演好辛苦，要識用好好嘅語氣同演員解釋佢想要乜，或者等我哋再累積多啲古仔先。」問到會否將與餅碎Angela（區文詩）的舊情拍成電影？他以沉默作答案，而Dino即護兄搶答：「九萬幾年前嘅事，忘記佢，過咗去，又使乜提？」

至於執導單元《觸電》的土生葡人女導演黎若嵐說：「澳門最難係搵演員，其他單位都唔夠人，以往我燈光、攝影、剪接都係自己做，或者搭膊頭。」而執導單元《Sa Fa》的歐陽永鋒則說：「我喺台灣做開短片副導、MV導演，澳門冇自己電影市場，機會少，今次拍嘢係唔錯嘅經驗。」