吳若希最怕猥褻男 有色眼光

新任「宅男殺手」女歌手吳若希（Jinny），擁有白滑美腿及甜美俏臉，被網友指她酷似日本AV女優，她坦言害怕被投以猥褻目光，令她渾身欠自然！

有「高妹」之稱的女歌手吳若希，擁有一雙白滑美腿，有網友指她激似一位日本AV女優羽田愛。Jinny直言網上留言難以控制，她選擇「盡量唔知」：「如果有人面對面同我講呢類話題，梗係唔好，我好怕啲人用猥褻眼神眼甘甘望住我，我會好唔自然。」談到護腿心得，她表示平日會搽按摩膏紓緩或者捏吓雙腳及跑步。

甜姐兒理應多追求者，Jinny笑說：「身邊係有追求者，若然我話冇人追，一係我好唔掂，一係講大話。（啱心水？）唔知呀！不過我鍾意運動型男生。（閃婚？）唔會！未必揀圈中人談戀愛。」

與許廷鏗啱Key

最近Jinny與「巨聲幫」許廷鏗合唱《知己》，外界反應不錯，她坦言與許廷鏗的聲線頗夾，而且擦出火花，不過就沒有愛火花，她說：「我哋錄首歌之前，冇傾過點唱，反而去到錄音室先即興商量。（多見面？）通常係工作上見面，私下就較少聯絡。雖然我早過佢出碟，呢方面我係師姐，但講出道，佢就係我師兄，而且佢經驗多我好多。」