歌手連詩雅（Shiga）為成為入得廚房出得廳堂好老婆，年多前開始跟母親學煮飯，日前又與歌迷學整餅，全程親力親為，更落力幫男歌迷「發蛋」。由於Shiga是獨女難免令人有「千金小姐」錯覺，她即否認：「我唔係千金小姐！好多時會幫媽咪做家務，近排一有時間都會去街市買餸煮飯畀媽咪食。」問到是否想做賢妻良母？她說：「當然啦！」又自誇不少人試過其廚藝，最拿手是煎牛扒及炒飯，問到男友可有嘗過？她說：「都冇男朋友，入行之後冇收過男仔送花添！」
連詩雅與歌迷齊齊整餅，有板有眼。
想做賢妻良母的連詩雅，經常下廚練習。
