袁偉豪收到「峯」睇住林夏薇

袁偉豪與林夏薇在全新處境劇《結．分@謊情式》中飾演一對小情侶，袁偉豪坦言林峯在一次活動中，已叮囑他要好好照顧堂妹林夏薇！

林峯堂妹林夏薇與香港先生袁偉豪繼早前拍攝處境劇《結．分@謊情式》一場咀戲後，日前再拍攝一場Puppy Love談情戲，為了配合回憶鏡頭，林夏薇戴上一頭長假髮。此劇是她加入無綫後的首套劇集，獲袁偉豪大讚人又靚、演技好、人品好。袁偉豪坦言早前在台慶亮燈上，林峯早已叮囑他照顧堂妹林夏薇：「峯哥（林峯）喺嗰日亮燈，知我同佢合作，都叫我睇住佢呀！（怕唔怕照顧得唔好畀人投訴？）唔會！都係做嘢啫！」在旁的林夏薇即說：「佢（林峯）都叫我要同人多多學習。」

盡獻「第一次」

林夏薇預了在劇中獻出多個第一次，早前難逃獻出螢幕初吻給袁偉豪，她笑說：「呢套劇我會獻出全部我嘅第一次，第一次拍感情戲、咀戲同沖涼戲。」談到袁偉豪已有拍咀戲經驗，她說：「呢套劇個個都比我有經驗，因為我係最新嗰個。」拍攝期間，途人叫不出林夏薇的名字，只叫她「林峯契妹」，她坦言不介意，更有信心表示會靠自己努力，終有一日別人必會叫得出其名字！