雛鳳加演五場 阿刨操弗副偈

龍劍笙（阿刨）與梅雪詩（阿嗲）主演的《龍情詩意半世紀》反應熱烈，20場門票不足一小時售罄，主辦單位負責人丘亞葵笑言開售當日銷情緊張。阿刨及阿嗲下月26至30日加演5場，門票將於本月16日上午十時在快達票發售。兩人連日積極練功，並排練《紅樓夢》、《俏潘安》等折子戲。

阿刨坦言擔心連踩多場體力有問題，但承諾會「睇住身體狀況」。她稱已促請主辦單位盡量將門票推出街外：「我都唔敢要咁多。」丘亞葵亦承諾會盡量將門票推出街外發售：「如果真係買唔到飛，惟有預先講聲唔好意思。」而阿嗲坦言為加場感開心：「近期每個電話打畀我都係追飛。」她稱現時每日勤做運動及節食，主要吃菜及無鹽無油清蒸魚，務求以最佳姿態演出。

阿嗲（左）和阿刨忙於排練經典折子戲。