梁漢文自嘲Pat扁

將於明年1月底開騷的梁漢文，昨日身穿開胸透視衫出席記者會，多次露點及騷健碩身材，除了獲老闆龐維仁及金牌大風CEO李文偉送蛋糕補祝生日外，神秘嘉賓陳奕迅（Eason）拖住行李箱送禮：「寓意你起飛，因為你有幾舊『肌』！」隨即開篋取出一個以水晶黐上「Edmond」字樣的盒子，內有一支數十萬元的咪高峰：「呢支咪係4位兄弟（Eason及BIG FOUR三子）夾錢送，你知啦！你得4個朋友！」問到可擔心開騷時粉絲藉派利是抽水？Edmond說：「冇乜所謂啦！」他預告個唱有很多視覺效果，問到會否以T-back上陣？他笑說：「我Pat Pat唔夠圓潤同平滑。（露前面？）可以，係腹肌！」

陳奕迅（右）人到禮到賀梁漢文，夠晒好兄弟！

梁漢文（左）練出六舊腹肌，連老闆都忍唔住摸！