名模林莉及寇鴻萍女兒唐貝詩昨日出席「apm潮裳聖誕華麗之旅」活動，唐貝詩透露現時單身，於母親公司幫手：「返朝10晚7，冇時間拍拖，加上媽咪唔畀！（有冇同舊愛影慾照？）普通合照一定有！咁好Sweet嗰陣錫吓嘅相都會有！（進一步呢？）唔話你知，總之我冇乜呢啲收藏品！」而林莉透露近日認識很多新朋友，可惜未有男士追求。另一邊廂，寇鴻萍昨日出席另一活動時，提到貝詩不否認拍過親密相，她說：「唔係啩？我已經提咗佢，就算影親密照都要用私人相機，要小心啲！」
唐貝詩（左起）、林莉及新鴻基地產代理有限公司租務總經理馮秀炎出席活動。
