蔡卓妍William拍拖學外語

蔡卓妍（阿Sa）及陳偉霆（William）昨日出席畢業禮時，跟學生分享心得，阿Sa謙稱仍有很多學習空間，打算與William拍拖學英文！

英皇娛樂致力為娛樂圈培育新秀，年前成立英皇創意學院，昨日學院舉行第一屆畢業典禮，校監楊受成及校長吳雨頒發畢業證書，而阿Sa、William、泳兒、鍾舒漫、鄭希怡、林欣彤及洪卓立等師兄師姐與學生分享經驗。另外，樂易玲及倫永亮等猛人亦有撐場。

身為大師姐的阿Sa謙稱仍然有很多事要學習，首要想學好英文：「自從去完威尼斯影展後，發現一做英文訪問就好緊張，於是返到香港就的起心肝想學好英文！」她透露William亦有意一同學英文，目前正物色英文老師，希望一齊進修：「William學緊普通話，我哋會一齊上堂，佢學得好快，加上之前返內地拍戲，普通話進步咗好多！」談到日前油麻地一所美容院火警，一名嚴重燒傷的Twins粉絲情況危殆，阿Sa說：「我好想去探佢！不過聽日要離開香港，希望盡量抽時間，如果唔得就拍片或寫心意卡鼓勵佢！」

夾期慶祝牛一

二人除了拍拖上堂外，William還透露他倆經常上拳館做運動，同時William又大讚女友體質很健康，全因平日很注重飲食。提到與阿Sa即將過生日，William說：「要同佢夾吓期，我哋應該會出街食，希望能夠低調咁過！」