陳展鵬視帝飛躍叫兩飛
早前簽約成為無綫「親生仔」的陳展鵬，於劇集《真相》飾演踩界律師，表現出色，贏好評兼贏人氣。據知，他今年有份憑此劇首度角逐最佳男主角，記者昨日致電求證，他說：「有份提名已經開心死，聽聞仲有份提名飛躍進步獎。（信心？）好多人睇好我攞飛躍，不過如果改名為『最老資格新人獎』我更有信心！（親生仔所以有得爭視帝？）公司畀好多機會，我會珍惜。」
至於有傳「飛出」候選視帝名單的林保怡，昨日出席活動時說：「畀我都會咁做，人不為己嘛！對我嚟講冇所謂，唔會咁樣對無綫有微言，企得出嚟都要多謝TVB。」又指不考慮拍《金枝慾孽II》，因無綫太遲通知，他沒檔期接拍，被問是否暗示無綫冇誠意？他說：「唔夠膽咁講！」
黃浩然（右）睇好陳展鵬穩奪飛躍進步獎。（資料圖片）
林保怡不欲多談無綫，問到是否不值一提，他否認，並指做人要有「大氣」。