Jocelyn湊「仔女」擔心死
有「翻版關之琳」之稱的名模Jocelyn Luko及老公Anthony Sandstorm都是充滿愛心的人，家中養了兩隻由愛護動物協會領養的短毛貓Simba及Nala。Jocelyn早已視牠們為親生仔女，對牠們的健康及起居飲食均照顧周到！她說：「佢哋一直都好健康，冇乜病痛，不過有一次我帶咗Simba去打防疫針，點知打完之後，佢就不停咁喘氣！我嗰陣好驚，帶佢去睇醫生，又上網搵資料了解喘氣嘅成因，又買咗空氣清新劑，總之可以做嘅嘢我都做齊！淨係想佢舒服啲，好彩最後佢都好番！」此經歷令Jocelyn初嘗為人母親的滋味，她笑說：「真係唔夠膽想像真係有仔女嘅時候，我到底會有幾擔心！」她坦言養動物是一生一世的責任，即使將來生兒育女，亦不會放棄飼養牠們：「小朋友喺有小動物嘅環境下長大，可以令到佢哋更識照顧人同更有愛心，而且仲可以多個玩伴添！」