Joey三箱私伙演天后

容祖兒（Joey）與林欣彤及陳家樂等昨日為英皇電影《DIVA》開工，為了演活天后角色，Joey笑言已準備三箱衣物。

容祖兒昨日到清水灣片場拍攝上落車戲份，穿上七吋高跟鞋的她透露，為配合角色，不惜出動私伙撐場，平均一年花費七位數字置裝的她表示，為電影準備了二十多套衣服，家中更有三箱衣物準備就緒，同時她又表示壓力大：「雖然有好多人都話我演番自己，但呢個我好少呈現畀大家睇，會感性啲，有好多喊戲。」同時，她又透露有一場與飾演她經理人的杜汶澤大罵，問到現實中有否試過與經理人Mani對罵？她說：「一係我鬧佢，一係佢鬧我，因為大家都知冇好結果，可以忍就忍啦！」她指印象最深刻是與Mani就準備演唱會事宜爭執，但最後以擁抱收場。

對於早前有內地雜誌指她與何韻詩於英國「秘婚」，Joey直斥報道失實：「黐線，黐咗線，唔會！（嚇親Fans？）唔係事實所以唔驚，呢個世界真係無奇不有，雜誌都係為咗博銷量，我會保留追究權利！」同時她認為有關報道已超越其可接受的底線，最後她更說：「希望佢哋好自為之，要自律啦！」

林欣彤冇咀戲

另外，緋聞男女林欣彤（Mag）及陳家樂大方同場，問到二人是否拍拖，他們合拍地說：「係呀！喺戲入面！」視對方為好友的Mag笑言擇偶最重視感覺，而陳家樂聞言亦笑說：「喺戲入面真係好有感覺！」他又表示現實中亦喜歡如Mag般的鄰家女孩，問到Mag二人有沒有發展可能時，她說：「同任何人都唔可以話有冇可能嘅！（同家樂有冇親熱戲？）拖手同埋攬，好彩冇錫戲，如果唔係我會驚同埋緊張。」