張敬軒對Kenny專一

來港發展10年的張敬軒，前晚再度開騷，回顧入行歷程，軒仔不惜自揭瘡疤，將過去負面報道擺上枱，提到緋聞寥寥無幾，他笑言專一「酷愛」好友關智斌。

張敬軒前晚再踏舞台，聯同香港管弦樂團在StarHall舉行交響音樂會，曾在紅館舉行兩次個唱的軒仔笑言還是專心唱歌較適合。軒仔在音樂會中特意翻唱已故巨星梅艷芳及哥哥張國榮等金曲，以歌聲感激前輩對他在音樂上的啟發。來港發展已10年，他感謝公司、身邊人及歌迷的支持，軒仔又大晒音樂才華，升到四層樓高彈豎琴。

大魚大肉增磅

重提曾被叫「張勁囂」及關於他與關智斌（Kenny）的緋聞，軒仔自言正、負面報道均是其財產，不介意回顧一番，問到他有否預先告知Kenny？他說：「見到面先啦！（傳極都係Kenny覺得悶?）換個角度睇，係我專一啫！係之前多咗單（指與許廷鏗），都有諗過請佢嚟睇，不過怕炒作，下次先啦。（Kenny呢？）應該尾場嚟。」軒仔又坦言最近為增磅，故大魚大肉，褲頭由27跳升至30吋。