胡杏兒百分信心膺視后

胡杏兒在《萬凰之王》中飾演奸到出汁的王后，雖然厲眼心計樣樣齊，但她仍嫌未夠奸：「想演啲奸到爆嘅角色。」談到再與宣萱合作，會否擔心傳不和？杏兒大讚宣萱專業有原則：「佢好多好難嘅對白都講到，連鬧交戲都一Take過。（係唔係覺得自己升咗呢？）係呀，今次對住佢谷到盡o架！」

對於被指是視后大熱，杏兒坦言今年天時地利兼備，有「100分」信心封后：「希望唔會令公司失望。（信心？）點都要話100分！」並指同劇的宣萱、《潛行狙擊》的陳法拉及《法證先鋒Ⅲ》的張可頤均是勁敵。談到視帝心水，杏兒力撐拍檔鄭嘉穎與「男友」黃宗澤：「鄭嘉穎做得脫胎換骨。（黃宗澤呢？）好多人撐佢，咁我都撐！」

視后大熱之一的杏兒，對於捧獎有一百分信心。