趙碩之勸睇精神科醫生

陳冠希與年僅16歲的o靚模謝芷蕙（Cammi）親密照流出掀起連場風雨，昨日又被緋聞舊愛黃榕大爆有拍褻衣照的癖好，各方藝人紛紛作出回應。

趙碩之：

今次啲慾照同上次比係「小毛見大毛」啦！（陳冠希嘅影相癮係唔係病態？）我唔係慾照女主角。如果佢叫我影慾照，會勸佢睇精神科醫生！

陳嘉寶（Anjaylia）：

唔識Cammi，但覺得佢好叻，16歲愛一個人，仲要一個人應付傳媒，不過應該畀心機讀書先。自己未試過有男友要求影呢啲相，男仔應該要好好尊重女朋友。

糖妹：

影Kiss相OK，但床上面影就唔得！（男友要求呢？）會斷絕來往！（陳冠希想做你朋友接唔接受？）工作上可以。

另外，糖兄表示各人有各人喜好，但做藝人應該避免。

梁漢文：

其實唔想就陳冠希同Cammi嘅事作太多回應，反正人哋兩個人嘅表演，旁人無謂講太多。（話個女仔似張學潤喎！）霎眼睇都唔似。

周柏豪：

從來都冇影過親密照！睇自己好怪。（陳冠希怪唔怪？）唔評論佢。（畀人要求會唔會影？）會拒絕。（有16歲女仔追你接唔接受？）唔喇！我過幾日27歲，太遠喇！未必溝通到呀！