Cammi暴飲暴食麻醉自己

與陳冠希（Edison）一啜成名的16歲學生o靚模謝芷蕙（Cammi），受到傳媒連日追訪，身心俱疲的她昨日足不出戶。記者致電問她是否感到很大壓力？Cammi說：「真係好大壓力！網上見到呢啲對我唔好嘅評論，真係好唔開心！雖然未至於要放棄生命，但我就不停喪食，用食嘢去麻醉自己。」而她的經理人Admond表示，因為Cammi現時全面停工，估計損失五位數字。

有網友指Cammi樣貌與時裝判官張學潤（Nelson）餅印一樣，有網友提議Nelson擔任Cammi的形象指導。記者致電詢問有沒有興趣與Cammi合作，Nelson說︰「如果佢叫到我會考慮吓，我好樂意幫新人，但唔係隨便去幫，要睇吓佢性格好唔好，有冇可塑性，唔好梗係唔幫啦！」問到若有機會合作，如何幫Cammi大執？他說︰「未見過佢真人，了解吓先，但佢咁細個，當然Sell青春，打扮唔可以咁成熟。」

此外，有網友在討論區抵死表示，願意一人一蚊籌錢讓Cammi驗明處子之身。而陳冠希前日在微博透露出席溫哥華亞洲電影節，昨日他表示已離開加國。